تعمل ايه لو لقيت معاك جهاز اليكترونى معقد جداااا ..مليان ازرار و مفاتيح.. اسلاك و الوان ..
و حياتك كلها تبقى واقفة على تشغيل الجهاز ده.. لو عارف تتعامل مع الجهاز ده كويس هتعرف تعيش..
مش عارف .. يبقى الدنيا هتقف على كده ..
اكيد هتبقى طول الوقت ماسك الكتالوج بتاعه .. مش بيفارق ايدك..
طيب تخيل لو الجهاز ده بنى آدم .. لحم و دم ..كتلة مشاعر ..
و حياتك كلها واقفة عليه .. خايف عليه اكتر من نفسك..
و مش جهاز عايزه يشتغل و خلاص.. لا..
ده روح و كيان .. فى حاجات ترضيه .. و حاجات تغضبه .. و حاجات تضايقه ..و حاجات تفرحه..
و اهم حاجة انه يكون مرتاح ..و راضى .. و وجوده بس بيرضيك..
فى الحالة دى هتعمل ايه لو مش معاك الكتالوج؟؟؟
بليز عايزة الكتالوج .. :)
الاشتراك في:
تعليقات الرسالة (Atom)
الحقيقه عندك حق ..
ردحذفكتير جدا بتلاقي أشخاص ( كتالوجاتهم ) معقده ..
بس الموضوع مش بيحتاج اكتر من صبر .. و ذكاء في التعامل مع الكتالوج ده ..
و انك تعرفي مفتاحه .. زي ما اي حاجه ليها مفتاح ..
عامة اتمنالك مفيش كتالوج يعصى عليكي ..
و بالتوفيق .. :)
ميرسى جدا يا علاء..
ردحذفانا عارفة طبعا ان الحكاية مش محتاجة كتالوج ..
الكتالوج بيتجمع بالوقت ..
و الحمد لله جمعت شوية منه ..عقبال المجلدات كلها :)
والله ياسنتوفه بما انك عارفاني وعارفه اني اكتر انسانه نفسها قصير ف التاريخ..لكن في مساله الكاتلوجات انتي عارفه برضه اني صبورة..مش قوي برضه ههههههههه
ردحذففانا هعمل مع الانسان اللي مش معروفله كتالوج ده زي اللي بعمله مع اي جهاز جديد اشتريته واكتشفت اني مش عارفه استعمله ..وحاولت اكتشف طريقه تشغيله وبعد مرة واتنين وعشرييين من الفشل ..بقرر..اركنه فوق الدولاب
هههههههههههههه طبعا مفيش بني ادم ينفع يتركن فوق الدولاب..بس ممكن يتشال من اولوياتي..بس بكرر..دا مابيحصلش الا بعد اكتر من محاوله
لأن انا ف رايي ان الحياة اثمن من اننا نضيعها علي فك شفرات ..احنا ماتخلقناش عشان كده ...ماقلتش مانحاولش..لكن عند مرحله معينه لازم نبطل..لان اي محاوله بعد كده هتدينا احساس خاطئ بالفشل مع اننا فقط..اخترناالانسان الغلط عشان نفهمه...وحبسنا نفسنا ف اطار ضيق اوي..مع ان بره العالم مليان ناس كتير جدااااا بيقدرونا وبيسهلو علينا عمليه ارضاءهم جدا و يستحقو اننا نتعب علشانهم..وعلي الاقل وقتها تعبنا بييجي بفايدة..وبنفهم الكاتالوج
ولا ايه ياسناتيفو؟
منورة سلسبيل.. :)
ردحذفعارفاكى و عارفة نفسك القصير.. و صبورة مش عارفة ازاى ..
و الموضوع مش مأساة يعنى ..بس الفكرة ان الواحد ساعات بيحتار ..بس مع الوقت كل ده بيروح ..
و فى ناس ماينفعوش يتشالوا من الاولويات ..حتى لو هتقضى عمرك كله تجمعى فى الكتالوج ..
و فى الاخر زى ما علاء بيقول .. الموضوع بس محتاج صبر و ذكاء..
ركزى انتى بس فى الذكاء.. عشان انا عارفاكى فى حكاية الصبر دى .. :)
السلام عليكم
ردحذفهو دايما يقولوا كل باب وليه مفتاحه
أكيد كل انسان وليه طريقته واسلوبه وأكيد مش هاتخرج عن المعاملات البشرية
تحياتى ليكى والفكرة حلوة
ميرسى كنيير بنوتة ..
ردحذفو مبسوطة ان الفكرة عجبتك ..
:)
امممممم
ردحذفعني
بجرب
لحد ما اعرف الطريقه :)
منورة اقصوصة ..
ردحذفاستمرى و جربى و هتوصلى ان شاء الله ..
:)