احساس..!!

خطوة للخلف .. بل خطوات ..!!

كلمات..

شيئان يقتلان الحب .. الصمت.. و الاهمال..

ورقة لقيتها..!!

حاجة كتبتها من زمان ..
معرفش امتى بس واضح انها من سنين .. بس مفيش عليها تاريخ ولا بتعبر عن اى احداث ..احتمال تكون و انا لسة فى المدرسة حتى ..
مش عارفة ..
بس عجبتنى .. قلت احطها هنا ..

حطمت قيودى ..
كسرت قضبان سجنى ..
نسج خيالى اجنحة .. فحلقت بها ..
حلقت فوق الاشجار..
تنفست عبير زهورها ..
ذبت بألوانها ..
سكنت اعشاش الطيور ..
غردت لى .. و غنيت لها الحانى ..
انطلقت ..عانقت القمر ..
همست مع النجوم ..
تدفأت بالشمس.. و تذوقت حنان ضوئها ..
عاد بى العمر للبداية ..
عند نقطة اللاحزن ..
و اللا ألم..

الكتالوج من فضلك ..!!

تعمل ايه لو لقيت معاك جهاز اليكترونى معقد جداااا ..مليان ازرار و مفاتيح.. اسلاك و الوان ..
و حياتك كلها تبقى واقفة على تشغيل الجهاز ده.. لو عارف تتعامل مع الجهاز ده كويس هتعرف تعيش..
مش عارف .. يبقى الدنيا هتقف على كده ..
اكيد هتبقى طول الوقت ماسك الكتالوج بتاعه .. مش بيفارق ايدك..
طيب تخيل لو الجهاز ده بنى آدم .. لحم و دم ..كتلة مشاعر ..
و حياتك كلها واقفة عليه .. خايف عليه اكتر من نفسك..
و مش جهاز عايزه يشتغل و خلاص.. لا..
ده روح و كيان .. فى حاجات ترضيه .. و حاجات تغضبه .. و حاجات تضايقه ..و حاجات تفرحه..
و اهم حاجة انه يكون مرتاح ..و راضى .. و وجوده بس بيرضيك..
فى الحالة دى هتعمل ايه لو مش معاك الكتالوج؟؟؟

بليز عايزة الكتالوج .. :)

و نقول بسم الله الرحمن الرحيم ..

زمان الناس كانت بتقول اللى يعيش ياما يشوف ..
دلوقت كل واحد بقى عنده ايميل .. و موقع بتاعه لوحده .. و مدونة كمان ..
و بقى اللى مش عنده ايميل كأنه من المعاقين ذهنيا ..
ولازم يلحق نفسه بسرعة و يطلع من حالة التخلف دى..
و دلوقت كمان اللى مش عنده مدونة بقى انسان مش طبيعى ..
قلت الحق نفسى و اعمل مدونة ليا بقى ..
هقول فيها ايه ..الله اعلم .. بس اكيد هقول ..
ربنا يسهل بقى ..